Құпиялылық саясаты

• Құпиялылық саясаты (орыс тілінде)
  
• Құпиялылық саясаты (қазақ тілінде)
  

1. Жалпы ережелер

1.1. Осы Құпиялылық саясаты (бұдан әрі — Саясат) Қазақстан Республикасының қолданыстағы заңнамасына сәйкес әзірленді және Пайдаланушылар (бұдан әрі – Компания) Сайтты және 103.kz мобильді қосымшасын (бұдан әрі – Платформа) пайдаланған кезде «Медпортал 103» жауапкершілігі шектеулі серіктестігінің олардың дербес деректерін өңдеуін реттейді.

1.2. Дербес деректерді өңдеу кезінде Компания Еуропалық Одақтың 2016 жылғы 27 сәуірдегі Деректерді қорғау жөніндегі жалпы регламентінің (General Data Protection Regulation) ережелерін, сондай-ақ жергілікті нормативтік құқықтық актілерді ескере отырып, «Дербес деректер және оларды қорғау туралы» Қазақстан Республикасының 2013 жылғы 21 мамырдағы № 94-V Заңын басшылыққа алады.

2. Терминдер мен анықтамалар

2.1. Осы Саясатта келесі терминдер мен анықтамалар қолданылады:

Сіз (Пайдаланушы) — Платформаны пайдаланатын және толық әрекетке қабілеттілік жасына жеткен кез келген жеке тұлға.

Біз (Компания) — «Медпортал 103» жауапкершілігі шектеулі серіктестігіміз.

Дербес деректер – айқындалған немесе олардың негізінде айқындалатын дербес деректер субъектісіне (жеке тұлғаға) қатысты, электрондық, қағаз және (немесе) өзге де материалдық тасығышта тіркелген мәліметтер.

Оператор – «Медпортал 103» ЖШС немесе Платформа Пайдаланушыларының дербес деректерін өңдеуді өз бетінше ұйымдастыратын және (немесе) жүзеге асыратын басқа ұйым.

Дербес деректерді өңдеу – дербес деректерді жинақтауға, сақтауға, өзгертуге, толықтыруға, пайдалануға, таратуға, иесіздендіруге, бұғаттауға және жоюға бағытталған іс-әрекеттер.

3. Қолданылу аясы

3.1. Осы Саясат Платформаны пайдалану кезінде дербес деректерді өңдеуге қатысты Компания мен Пайдаланушылар арасындағы кез келген өзара іс-қимылға қолданылады.

3.2. Платформа Пайдаланушыларының дербес деректерін өңдеу кезінде Компания дербес оператор рөлін атқарады.

3.3. Осы Саясат үшінші тұлғалардың құқықтары мен міндеттерін реттемейді және белгілемейді. Сондай-ақ, ол Платформаның функционалдық мүмкіндіктерімен интеграциялануы мүмкін үшінші тараптардың қосымшалары мен бағдарламалық қамтылымына қолданылмайды.

3.4. Егер Сіз осы Саясаттың ережелерімен және қолданылу аясымен келіспесеңіз, Платформаны пайдаланбаңыз.

4. Платформа Пайдаланушыларының дербес деректерін өңдеу

4.1. Платформа Пайдаланушыларының дербес деректерін келесі заңды тұлға өңдейді:

«Медпортал 103» жауапкершілігі шектеулі серіктестігі,

БСН 170140002766,

заңды мекенжайы: A17C6X3 (050013), Қазақстан Республикасы, Алматы қ., Бостандық ауданы, Сейфуллин даңғылы, 609-үй, 4-қабат, №6 кеңсе

E-mail: help@103.kz

телефоны: +77059575475

4.2. Біз Пайдаланушылардың дербес деректерінің мынадай санаттарын өңдейміз: биометриялық және генетикалық деректерді қоспағанда, жалпыға қолжетімді, арнайы, сондай-ақ жалпыға қолжетімді және арнайы дербес деректерге жатпайтын өзге де дербес деректер.

4.3. Біз осы Саясатта көзделген мақсаттарда Пайдаланушылардың келесі дербес деректерінің қажетті минимумын өңдейміз:

аккаунт деректері: логин және құпия сөз (егер жасалса);

жеке ақпарат: тегі, аты, әкесінің аты, туған күні;

байланыс ақпараты: электрондық пошта мекенжайы, телефон нөмірі, қолайлы мессенджердегі аккаунт;

кәсіби ақпарат: мекенжайы және жұмыс орны, лауазымы;

көрсетілетін қызметтер туралы ақпарат: қабылдау (тапсырыс) күні, уақыты, таңдалған маман, таңдалған тауар, таңдалған қызмет;

төлем ақпараты: қызмет ұсынуға байланысты транзакциялар туралы ақпарат (төлем мәртебесі және төлем сомасы);

кері байланыс нысаны туралы ақпарат: өтініштің мазмұны (егер дербес деректерді қамтыса);

пікір нысаны туралы ақпарат: пікір мазмұны (егер дербес деректерді қамтыса);

денсаулық туралы ақпарат: Пайдаланушы жүктеген денсаулық жағдайы туралы құжаттар, дәрігер жүктеген Пайдаланушының денсаулық жағдайы туралы құжаттар, чат тарихы;

қосымша ақпарат: IP мекенжайы, cookie, геолокация, Yandex Metrika және Google Analytics статистикалық сервистері ұсынатын Платформаға кіру туралы ақпарат, пайдалану және баптау туралы ақпарат, құрылғы туралы ақпарат, сервер оқиғаларын тіркеу журналдарынан ақпарат.

4.4. Өңделетін дербес деректердің нақты тізбесі мен түрлері Пайдаланушы пайдаланатын Платформаның немесе оның нақты сервисінің нақты функционалдық мүмкіндіктеріне байланысты.

5. Өңдеу мақсаттары мен негіздері, дербес деректерді сақтау мерзімі

5.1. Оператор рөлін атқара отырып, Компания Пайдаланушылардың дербес деректерін тек келесі мақсаттарда ғана өңдейді:

• сервисті ұсыну шеңберінде Платформа Пайдаланушысын сәйкестендіру;
• Пайдаланушы сұратқан сервисті ұсыну, Пайдаланушының сұрауын қанағаттандыру, соның ішінде Пайдаланушының өтінімдері бойынша одан әрі байланыс;
• Пайдаланушы бұрын сатып алған сервистерге сүйене отырып, Пайдаланушыға пайдалы және қызықты болуы мүмкін қызметтерді ұсыну;
• сервисті Пайдаланушының қажеттіліктеріне бейімдеу;
• сервис пен көрсетілетін ілеспе қызметтердің сапасын жақсарту;
• аудиторияға, оның қалауы мен мүдделеріне талдау, сондай-ақ мердігер (орындаушы, консультант) ретінде үшінші тұлғаларды қатыстыра отырып маркетингтік зерттеулер жүргізу;
• бағдарламалық қамтылым қателерін жою, Платформаның жұмысын оңтайландыру;
• маркетингтік, жарнамалық және ақпараттық материалдарды жіберу;
• Пайдаланушының пікірлерін, түсіндірмелерін жариялау, оның ішінде ақпаратты белгісіз адамдар тобының назарына жеткізу.

5.2. Электрондық нысанда алынатын дербес деректерді жинауға, өңдеуге Пайдаланушының келісімі дербес деректерді өңдеу үшін негіз болып табылады. Пайдаланушы Компанияға Платформада арнайы нысандарда дербес деректерді өңдеуге келісім беру туралы тиісті белгі қою арқылы енгізілген/жүктелген дербес

деректерді өңдеуге, оның ішінде түсіндірме (пікір) орналастыру, жазуды немесе онлайн-жазуды жүзеге асыру, өтінім қалдыру, Платформаның өзге де функционалын пайдалану кезінде келісім береді.

5.3. Дербес деректерді өңдеу мерзімі - Пайдаланушы келісімді қайтарып алғанға дейін немесе ол соңғы белсенді әрекетті жасаған сәттен бастап 3 жыл бойы.

6. Шешім қабылдаудың автоматтандырылған құралдарын пайдалану

6.1. Біз дербес деректерді өңдеу шеңберінде шешім қабылдаудың автоматтандырылған құралдарын (профайлингті қоса алғанда) пайдаланбаймыз. Шешім қабылдаудың автоматтандырылған құралдарына, ең алдымен, Сіздің дербес деректеріңізді өңдеп, адамның қатысуынсыз Сізге қатысты ықтимал заңдық салдары бар қандай да бір шешім қабылдай алатын жүйелер жатады.

7. Пайдаланушылардың дербес деректерін қорғау және оларға қол жеткізу тәртібі

7.1. Сіздің дербес деректеріңіз Қазақстан Республикасының аумағында орналасқан біздің әріптестеріміздің серверлерінде сақталады, олардың сервистерін өз Платформамыздың жұмысын қамтамасыз ету үшін пайдаланамыз.

7.2. Компания қолданыстағы заңнаманың талаптарына сәйкес дербес деректерді тиісінше қорғауды жүзеге асырады және оларды қорғау үшін қажетті құқықтық, ұйымдастырушылық және техникалық шараларды қабылдайды. Пайдаланылатын әдістер Пайдаланушылардың дербес деректерін заңсыз немесе кездейсоқ қол жеткізуден, оларды жоюдан, өзгертуден, бұғаттаудан, көшіруден, таратудан және үшінші тұлғалардың басқа да заңсыз әрекеттерінен қорғауды қамтамасыз етеді.

7.3. Платформа Пайдаланушылары ұсынылған есептік деректердің дәлдігіне, құпия сөздердің және авторластыру үшін қажетті өзге де ақпараттың сақталуына және оларды үшінші тұлғалардың қол жеткізуінен қорғауға өз мүмкіндіктері шегінде жауапты болады.

7.4. Егер Пайдаланушылардың дербес деректері үшінші тарапқа берілсе, онда оларды сақтау уақыты осындай үшінші тараптың дербес деректерін өңдеуге қатысты Саясатқа сәйкес айқындалатын болады. Компания мұндай жағдай орын алған кезде өз тарапынан Сіздің дербес деректеріңізді жою қажеттілігі туралы хабардар ету үшін қолдан келгеннің бәрін жасайды.

7.5. Осы Саясат шеңберінде жиналатын және өңделетін кез келген дербес деректер:

• Сіз бізге оларды жария етуге келісім берген;
• мұндай дербес деректер иесіздендірілген;
• қолданыстағы құқыққа сәйкес ақпаратты ашылған кезге дейін дейін тиісінше қорғалуға жатады.

7.6. Компания Пайдаланушылардың дербес деректерін қорғауды қамтамасыз ету үшін біздің тарапымыздан мүмкін болатын барлық шараларды қабылдайды. Мәселен, біз Сіздің дербес деректеріңізге қол жеткізе алатын адамдар тобын шектейміз, басқа да шаралар қабылдаймыз. Дегенмен, біздің тарапымыздан қабылдануы мүмкін барлық шараларға қарамастан, біз Платформа серверлерінің ақпараттық қауіпсіздік тәуекелдерінен толық қорғалуына кепілдік бере алмаймыз.

7.7. Аталған теріс салдарлар орын алған жағдайларда Компания олар туралы дербес деректер субъектілерінің, сондай-ақ барлық мүдделі тұлғалардың құқықтарын қорғау жөніндегі уәкілетті органды хабардар етуге міндеттенеді.

8. Беру және ашу

8.1. Сіздің дербес деректеріңіз, атап айтқанда жеке, байланыс, төлем ақпараты, пікір нысанындағы көрсетілетін қызметтер туралы ақпарат жеке тұлғаларға, оның ішінде олар туралы ақпарат Платформада орналастырылатын және Пайдаланушы Платформа арқылы қызметтерін пайдалануды жоспарлап отырған жеке кәсіпкерлерге немесе заңды тұлғаларға берілуі мүмкін. Платформаға қосылған осы ұйымдардың тізбесі сайтта және 103.kz мобильді қосымшасында орналастырылған және үнемі жаңартылып отырады.

Бұдан өзге, Сіз банктік төлем картасымен төлем жасаған кезде транзакцияға әрдайым банк (корреспондент банк, алушы банк) немесе мамандандырылған қаржы компаниясы (VISA, MASTERCARD төлем жүйесі және т.б. ) қатысады. Төлемдерді өңдеу үшін біз аталған үшінші тұлғаларға Сіз туралы ақпаратты ұсынуға міндеттіміз.

Осы Саясатта мәлімделген кейбір мақсаттарды орындау үшін, соның ішінде жіберілімдерді жүзеге асыру мақсатында, бұл үшін қажетті Сіздің жеке және/немесе байланыс ақпаратыңыз (мақсатты орындау үшін қажетті шектеулі көлемде) Компания олармен шарттық қатынастар орнатқан үшінші тұлғаларға берілуі мүмкін.

8.2. Пайдаланушылардың дербес деректерін ашу заңнамаға, сот ісін жүргізу, сотта істі қарау талаптарына сәйкес немесе Сіз тұратын елдің немесе басқа елдердің мемлекеттік органдарының сұратуы бойынша міндетті болуы мүмкін екендігіне Сіздің назарыңызды аударамыз. Ұлттық қауіпсіздік, заңнаманы орындау, Компания мен үшінші тұлғалардың құқықтары мен заңды мүдделерін қорғау мақсатында немесе өзге де қоғамдық маңызды да мақсаттарда қажет болған жағдайда Сіздің дербес деректеріңізді ашу жүзеге асырылады.

9. Балалардың дербес деректері

9.1. Біз өз Платформамызды пайдалану құқығын толық әрекетке қабілеттілік жасына толмаған адамдарға бермейміз, сондай-ақ заңды өкілінің келісімінсіз олардың дербес деректерін жинамаймыз және өңдемейміз (қалай болғанда да саналы түрде).

10. Платформа Пайдаланушыларының құқықтары

10.1. Пайдаланушылардың дербес деректерді жинауға және өңдеуге қатысты құқықтары Қазақстан Республикасының заңнамасына сәйкес айқындалады.

10.2. Қазақстан Республикасының заңнамасына сәйкес Сіздің:

• өз дербес деректеріңізді өңдеуге қатысты ақпарат алуға,
• өз дербес деректеріңізді өзгертуге және толықтыруға (тиісті құжаттармен расталған негіздемелер болған кезде),
• дербес деректерді жинау, өңдеу шарттарының бұзылуы туралы ақпарат болған жағдайда өзіңіздің дербес деректеріңізді бұғаттауға немесе жоюға,
• заңнамада көзделген жағдайларды қоспағанда, дербес деректерді жинауға, өңдеуге, жалпыға қолжетімді көздерде таратуға, үшінші тұлғаларға беруге және трансшекаралық беруге келісімді кері қайтарып алуға,
• өз құқықтарыңыз бен заңды мүдделеріңіздің қорғалуына, оның ішінде моральдық және материалдық зиянды өтетуге;
• оператордың әрекеттеріне шағымдануға,
• Қазақстан Республикасының заңнамасында көзделген өзге де құқықтарды жүзеге асыруға құқығыңыз бар.

10.3. Пайдаланушылардың дербес деректерін жою техникалық тұрғыдан мүмкін болмаған жағдайда, біз бұғаттау немесе иесіздендіру арқылы Сіздің дербес деректеріңіздің одан әрі өңделуіне жол бермеу бойынша шаралар қабылдауға міндеттенеміз.

10.4. Жоғарыда аталған құқықтарды, қолданылатын құқықпен Сізге кепілендірілген кез келген өзге де құқықтарды іске асыру үшін Сіз «Дербес деректер және оларды қорғау туралы» Заңда және осы Саясатта белгіленген тәртіппен Компанияға тиісті сұрау салуды жолдауыңыз керек.

10.5. Сіздің дербес деректеріңізге байланысты мәселелер бойынша, оның ішінде егер Сіз оларды нақтылауды, толықтыруды немесе дербес деректерді өңдеуге келісімді кері қайтарып алуды қаласаңыз, Компанияға help@103.kz электрондық пошта мекенжайы арқылы хабарласа аласыз.

10.6. Компания Сіздің сұрау салуыңыз бойынша қандай да бір құқықтарды іске асырмас бұрын Сіздің жеке басыңызды сәйкестендірудің дұрыстығын тексеру құқығын өзіне қалдырады. Сондай-ақ, біз сізге

Сіздің қандай да болмасын құқықтарыңызды іске асыра алмайтындығымыздың немесе Сізге қандай да бір ақпаратты ұсына алмайтындығымыздың себептерін түсіндіреміз.

11. Құпиялылық саясатын және қолданыстағы заңнаманы өзгерту

11.1. Осы Құпиялылық саясаты Платформада орналастырылған кезден бастап күшіне енеді және Платформаны алғаш пайдалану сәтінен бастап пайда болған Компания мен Пайдаланушының қарым-қатынасына қатысты қолданылады.

11.2. Саясат Платформаны пайдалану кезінде Пайдаланушының дербес деректерін өңдеуге қатысты Компания мен Пайдаланушы арасындағы келісімді білдіреді, ол осындай пайдалануға қатысты бұрын болған кез келген басқа да жазбаша немесе ауызша келісімдердің немесе уағдаластықтардың күшін жояды.

11.3. Компания кез келген уақытта, біржақты тәртіппен осы Саясаттың ережелеріне өзгерістер мен толықтырулар енгізуге құқылы. Егер Саясаттың жаңа редакциясының ережелерінде өзгеше көзделмесе, Саясаттың жаңа редакциясы оны Платформада орналастырған сәттен бастап күшіне енеді.

11.4. Осы Саясатқа байланысты барлық мәселелер Қазақстан Республикасының заңнамасына сәйкес шешілуге тиіс.